Roumanin-de-plan
Vogtia annua
Asteraceae Compositae
Autre noum : Roumaniéu-de-plan.
Nom en français : Tanaisie annuelle.
Descripcioun :Lou roumanin-de-plan es uno planto devengudo proun raro, marcado sus listo roujo, CR (valènt-à-dire en dangié criti). S'atrovo pu qu'à dous endré de noste relarg. Li noum prouvençau mostron que devié èstre bèn mai coumuno à passa tèms. Trachis dins li marlo e li limas sablous. Es uno planto pus au mens grando que flouris à la debuto de l'autouno emé de poulìdi courimbo jauno. Se recounèis peréu à soun óudour suavo.
Usanço :Aquesto planto èi proun vertuouso. De segur l'acampas pas que s'atrobo d'esperit (òli essencialo) dins lou coumèrci, que nous vèn d'Africo. Èi subretout vertuouso contro l'enflamacioun, lou prusi e li problèmo de pèu. Sougno peréu lou mau d'os, lou raumas, l'ipertesuro e mai enca...
Port : Grando erbo
Taio : 20 à 120 cm
Fueio : alterno
Tipe bioulougico : Teroufite
Cicle bioulougico : Planto de l'an
Gènre : Vogtia
Famiho : Asteraceae
Famiho classico : Compositae
Tribu : Anthemideae
Ordre : Asterales
Coulour de la flour :
Jauno
Petalo : >6
Ø (o loungour) enflourejado : 1 à 3 cm
Flourido :
Estiéu - Autouno
Sòu : Ca
Autour basso e auto : 80 à 110 m
Aparado : Noun
Setèmbre à nouvèmbre
Liò : Culturo
- Ermas
- Marlo
Estànci : Mesoumediterran
Couroulougi : Estenoumediterrano-Ouèst
Ref. sc. : Vogtia annua (L.) Oberpr. & Sonboli, 2012
(= Tanacetum annuum L. 1753 = Chrysanthemum annuum (L.) Hayek ex P.Fourn., 1939 )
Pastèco
Citrullus lanatus
Cucurbitaceae
Autre noum : Meloun-d'aigo.
Noms en français : Pastèque, Melon d'eau.
Descripcioun :La pastèco es uno planto de culturo, mai de cop que i'a èi poussible de la rescountra dins lis escoumbre e àutri bourdiho. Pamens se naturaliso pas. Se recounèis à si fueio proun penado e à si flour jaunasso. La planto a un port que fai bèn pensa i Cucurbitaceae.
Usanço :Aquelo pastèco di fru roujo e di grano negro èi manjadisso cruso au contre de la citro (o citre) que fau faire couire. Ei richo en critruline que lou cors s'en sèr pèr faire d'arginine un acide amina proun impourtant.
Port : Erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Planto de l'an
Gènre : Citrullus
Famiho : Cucurbitaceae
Coulour de la flour :
Jauno
Petalo : 5
Ø (o loungour) flour : Pancaro entresigna
Flourido :
Estiéu - Autouno
Sòu : Ca
Autour basso e auto :
Pancaro entresigna
Aparado : Noun
Remarco : Planto cultivado
Liò : Escoumbre e proche dis oustau
Estànci :
Pancaro entresigna
Couroulougi :
Pancaro entresigna
Ref. sc. : Citrullus lanatus (Thunb.) Matsum. & Nakai, 1916
